Arizalarni, takliflarni hamda shikoyatlarni qabul qilish tartibi to‘g‘risidagi axborot

Toshkent davlat transport universitetida Jismoniy va yuridik shaxslarning murojaatlari bilan “Jismoniy va yuridik shaxslarning murojaatlari bilan ishlash, nazorat va monitoring” bo‘limi shug‘ullanadi.

O‘zbekiston Respublikasining 2017-yil 11 sentabrdagi “Jismoniy va yuridik shaxslarning murojaatlari to‘g‘risida” O‘RQ-445-son Qonuni hamda O‘zbekiston Respublikasi Vazirlar Mahkamasining 2018-yil 7-maydagi “Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi to‘g‘risidagi Namunaviy nizomni tasdiqlash haqida”gi 341-son qarori asosida amalga oshiriladi.

Toshkent davlat transport universitetiga kelib tushgan murojaat o‘sha kunning o‘zida, ish vaqti tugaganidan keyin kelib tushgan taqdirda esa, keyingi ish kuni ro‘yxatdan o‘tkaziladi.

Toshkent davlat transport universitetida murojaatlarni ro‘yxatdan o‘tkazishda murojaatning tartib raqami va kelib tushgan sanasi, murojaat etuvchi jismoniy shaxsning familiyasi (ismi, otasining ismi), yuridik shaxsning nomi, murojaatning qisqacha mazmuni, shuningdek boshqa ma‘lumotlar ko‘rsatiladi.